 |
| اللانشون البيتي |
من الطرق التي جربتها وأعجبتنى للغاية هي : "اللانشون البيتى" .. طريقته ومكوناته قد تبدوا غريبة لكن النتيجة مبهرة إذا إلتزمتى بالمقادير والطريقة :)
لا تحاولى تغيير أى من المكونات .. إذا أردتي ؛ يمكنك تغير البهارات المستخدمة ... لكن باقية المقادير عند تغييرها يؤدى لفشل الوصفة تماماً...
المقادير
- ثلاث أرباع فنجان (قهوة) زيت
- 3 ملاعق كبار جبنة كاسات أو 3 مكعبات جبنة مثلثات
- 3 ملاعق كبيرة دقيق
- ملعقة صغيرة ممسوحة ملح
- حبتين بيض كبار
- البهارات : نصف ملعقة صغيرة من (كارى- كركم-بابريكا-قرفة-جنزبيل-سماق-بهارات لحم-حبهان مطحون
-بهارات مشكلة) وملعقة صغيرة بودرة ثوم
الطريقة سهلة للغاية
- نضرب كل المكونات جيد جداً فى الخلاط
- نصبها فى علبة صفيح إسطوانية بعد وضع كيس حرارى بداخلها للأمان
- نضع العلبة فى حمام مائى ونرفعها على النار لمدة ساعه كاملة ..
- بعد مرور الساعه إتركى الخليط يبرد تماماً
ثم إبدأى فى تقطيعه لشرائح رفيعه وفي علبة محكمة واحفظيه في التلاجة وإستخدميه خلال 3 أيام فقط ...
وبالهنا والشفا :)
الطريقة بالخطوات المصورة
 |
| المكونات بعد ضربها فى الخلاط |
 |
| ثم نضع الخليط بعلبة صفيح |
 |
| ثم فى حمام مائى |
 |
| بعد مرور الساعه.. وستلاحظى إزدياد حجمه |
 |
| شكله قبل التقطيع |
 |
| وبعد التقطيع ... بالهناء و الشفاء :) |
تسلم ايديك هجربه باذن الله.
ردحذفبس ليه صلاحيته 3 ايام بس و هو في التلاجة
واعمل ايه لو عايزة احفظه وقت اطول؟؟
لاحظت إنه لما بيزيد عن المدة دى طعمه بيتغير
حذفيمكن لو العلبة محكمة تماماً يصبر معاك إسبوع .. بس عموماً الكمية دى مش بتعمل كتير
بتعمل الطبق اللى موجود فى الصورة وأتوقع تخلص أصلاً فى ظرف التلات أيام :)
سؤال كمان. ممكن بدل الجبنة المثلثات استخدم مكعبات جبنة كيري بنفس العدد؟؟
ردحذفاو بدل كل وحدة معلقة كبيرة جبنة كبايات ، هل تنفع؟
أيوة ممكن جداً أنا جربت بالجبنة المثلثات وبمكعبات الكيري نفس العدد وبالجبنة الكاسات معلقة كبيرة ممسوحة بديل لكل مثلث جبنة والنتيجة واحدة :)
حذفهو طعمه فعلا زي الانشون اللي بنشتريه من بره
ردحذفأنا بلاقيه أطعم من اللانشون بتاع بره الحقيقة يامروة ...
حذفلإنى عارفة إيه أكتر بهارات بحبها فبتبله بالشكل اللى يعجبنى .. جربيه مرة وكل مرة هتلاقى نفسك بتعمليه أحسن من المرة اللى قبلها :)
شكرا للرد هجربه
حذفايه البهارات المشكله غير البهارات اللي كتبتيها؟
ردحذفمجموعة بهارات بتتباع مخلوطة عند العطار إسمها بهارات مشكلة ممكن تستبدليها بالكبيبة الصينى ( نوع بهارات إسمه كدا)..
حذف